Анкара побарала турските специјалци во Мосул да не влегуваат во судир со исламистите

Од:

Властите во Анкара им наредиле на турските специјални единици, кои го обезбедувале Конзулатот на Турција во Мосул, да не влегуваат во судири со борците на исламистичката група Исламска држава во Ирак и Левантот (ИДИЛ).

Борците на ИДИЛ, по заземањето на турскиот Конзулат во Мосул на 11 јуни, киднапираа 49 турски граѓани, меѓу кои и генералниот конзул и други дипломати и нивните семејства, како и припадници на турските специјални единици.

Весникот „Ватан“ пишува дека еден од киднапираните припадници на турските специјални сили успеа да објави информација на интернет, во која се наведува дека „900 специјално обучени командоси на ИДИЛ го опколиле конзулатот, а истовремено турските сили поставиле снајперисти на покривот, со цел да одговорат на нападот“.

– Тие имаа минофрлачи, тешко оружје и четири тенкови украдени од ирачката армија. Го информиравме Министерството за надворешни работи дека можеме да се бориме додека ни заврши муницијата, но Министерството одговори дека не треба да се става во опасност животот на луѓето во дипломатското претставништво, објаснува војникот во постот.

На интернет страницата стои и дека киднапираните турски граѓани се наоѓаат во хотел во реонот на градот Мосул.

Турскиот вицепремиер Булент Аренч денеска потврди дека инфомацијата објвена на интернет е вистинита.

Би можело да ве интересира

Светска програма за храна: Тиграј в петок останува без храна

Ана Ололовска

ОН: Коронавирусот ја влоши ситуацијата во светот – секое десетто лице гладува

Ана Ололовска

ОН предупредува дека милиони деца во светот не примиле задолжителни вакцини поради пандемијата

Ана Ололовска

ОЕЦД: Новиот глобален данок на земјите ќе им донесе 150 милијарди долари приход

Ана Ололовска

Зголемена глобалната доверба во медиумите за шест отсто

Ана Ололовска

Истражување: Ашкабад е најскап град во светот за странски работници

Ана Ололовска

Leave a Comment

13 − six =