Се чини дека руските сили планираат „прилично големи воздушни напади“ во Украина, изјави денеска аналитичар за безбедност и одбрана. Професорот Мајкл Кларк, поранешен директор на Британскиот институт за безбедност и одбрана го изјави ова во интервју за Sky News.
„Русите полека напредуваат кон Бахмут“
„Има многу сателитски снимки од руски воздушни бази кои кружат на Твитер, се чини дека може да има голема активност во воздухот“, рече Кларк, додавајќи дека руските сили „полека напредуваат“ кон клучниот источен украински град Бахмут. Што се однесува до регионот Херсон во јужна Украина, таму Русите на источниот брег на реката Днепар „копаат длабоко за зимата и подготвуваат ровови“, рече Кларк.
„Русите го удираат Бахмут веќе четири недели и се обидуваат да го нападнат од три правци. Изгледа дека постигнале одреден напредок од југ“, додаде Кларк.