Претставници на американските безбедносни служби предупредуваат дека останало уште малку време за да и се застане на пат на „офанзивата“ на Русија кон Украина.
Според тврдењата на неименувани американски и европски официјални лица, Русија уште не донела одлука за тоа што ќе прави со војската која ја станционираше на границата со Украина.
Претставниците на американските служби настојуваат да ги забрзаат европските земји во носењето одлука за соработка со САД по прашањето за евентуално воведување воени и економски мерки за да се сопре Москва пишува Њујорк Тајмс.
Весникот исто така тврди дека директорот на американската Национална безбедносна служба, Еврил Хејнс отпатувал во Брисел за да ги информира амбасадорите на НАТО за можната офанзива на Русија на Украина.
Руските медиуми пак потсетуваат дека претседателот Владимир Путин во неколку наврати изјавуваше дека предупредувањата на Западот за наводна офанзива на Москва на Украина во најмала рака се претерани.