Американското воено воздухопловство бомбардирало талибанци

Од:

Американското воено воздухопловство бомбардираше позиции на талибанците, како поддршка на редовните авганистански безбедносни сили нападнати од талибанците во јужната провинција Хелманд.

Претставникот на американската армија во Авганистан, полковник Сони Легет изјави дека нападите на бунтовниците не се во согласност со договорот потпишан меѓу талибанците и САД и оцени дека тие ги загрозуваат тековните преговори кои завојуваните страни ги водат во Катар.

– Талибанците мора веднаш да ги запрат офанзивните операции во провинцијата Хелманд и да го намалат насилството што го вршат низ целата земја, рече полковникот Легет, цитирајќи го генералот Скот Милер, командант на американските сили во Авганистан.

Легет повтори дека САД ќе продолжат да ги поддржуваат официјалните авганистански сили за време на сите талибански напади.

Во исто време, претставници на владата во Кабул и талибанците во Катар преговараат за ставање крај на внатрешните судири во Авганистан.

Би можело да ве интересира

Силен земјотрес го погоди Авганистан

Османи на дискусија за поддршка на бранителите на демократијата од Авганистан: Македонија покажа одговорност кога тоа беше најпотребно

Орце Костов

Нов силен земјотрес го погоди западниот дел на Авганистан

Силен земјотрес е регистриран во Авганистан, на границата со Таџикистан

Силен земјотрес го погоди Авганистан

Талибанците го прогласија за национален празник денот кога замина последниот американски војник