Американецот Мајкл Вајт, кој беше уапсен во Иран во 2018 година, е ослободен и е на пат кон дома летајќи со авион на швајцарските власти, соопшти неговото семејство.
Вајт, американски морнарски ветеран, беше ослободен од иранскиот затвор кон средината на март, но остана во Иран поради епидемијата на коронавирусот.
Тој беше пуштен на слобода веднаш откако ирански научник се врати во Иран, кој беше уапсен од американските имиграциски власти.
I am to happy announce that Navy Veteran, Michael White, who has been detained by Iran for 683 days, is on a Swiss plane that just left Iranian Airspace. We expect him to be home with his family in America very soon….
— Donald J. Trump (@realDonaldTrump) June 4, 2020
„Јас сум среќен да соопштам дека морнарскиот ветеран, кој беше затворен 683 дена, се наоѓа во швајцарски авион кој штотоку го напушти иранскиот воздушен простор. Го очекуваме да биде дома со неговото семејство во Америка во скоро време“, напиша Трамп на Твитер.
Претседателот на САД, се заблагодари и на швајцарските власти кои излегле во пресрет околу соработката бидејќи САД немаат воспоставено се уште билатерални односи со Иран по санкциите.