Американскиот Конгрес го усвои предлогот на Законот за национална одбранбена политика за 2023 година, со вкупна вредност од 858 милијарди долари, врз основа на кој следната година ќе биде испратена нов пакет безбедносна помош во износ од најмалку 800 милиони долари до Украина.
Воената помош за Тајван врз основа на предложениот документ ќе биде зголемена на една милијарда долари и ќе биде испратена во следните неколку години.
Исто така, Законот ќе дозволи безбедносната помош за Тајван да се зголеми до 10 милијарди долари во следните пет години.
Повеќе средства ќе бидат наменети и за развој на хиперсонично оружје и купување на постоечки системи за оружје, вклучувајќи ги борбените авиони Ф-35 на Локхид Мартин и бродовите Џенерал Динамикс.
Предлог-законот се очекува да помине во Сенатот и во Претставничкиот дом овој месец, по што ќе биде испратен на потпис до американскиот претседател Џо Бајден за да биде формално усвоен.
Извор: МИА