Американскиот Конгрес одобри нови санкции против 35 руски милијардери и политичари

Од:

Претставничкиот дом на американскиот Конгрес синоќа одобри нацрт закон кој налага воведување санкции за 35 претставници на руската политичка и бизнис елита обвинети од страна на опозиционерот Алексеј Навално за корупција и нарушување на човековите права.

Нови санкции се одбрени и за купување руски хартии од вредност, а поради руската вмешаност во изборите во САД.

Предлог законот се нуди како амандман на буџетот за одбрана на САД.

„На администрацијата и се налага да сепроверат 35 нарушители на човековите права и клептократи за санкционирање, и именувањето на секој од нив е одобрено од Комитетот за правила“, се наведува во твит објавен синоќа од конгресменот Пол Масаро.

Меѓу најистакнатите имиња на списокот за санкции се милијардерите Роман Абрамович, Олег Дерипаска и Алишер Усманов, како и Генадиј Тимченко. Понатаму, овде се имињата на директорите на Росњефт и Газпром, Игор Сечин и Алексеј Милер, како и на првите лица на државните банки ВТБ и ВЕБ, Андреј Костин и Игор Шувалов. Под санкции можат да се најдат премиерот Михаил Мишустин, градоначалникот на Москва Сергеј Собјанин и други високи владини и регионални службеници.

Во меѓувреме, Долниот дом на Конгресот изгласа и воведување забрана за купување и продажба на руски облигациски долг на вторичниот пазар од страна на американски компании. Мерката е донесена поради вмешаноста на Москва во американските избори. Ваква мерка веќе постои, но е за забрана на директно купување руски хартии од вредност.

Според агенцијата Блумберг, Стопанската комара на САД е против оваа мерка затоа што ги ограничува можностите на американските банки да ги сервисираат своите корпоративни клиенти во Русија.

Би можело да ве интересира

Бајден: Белите расисти се најголемата терористичка закана за САД

А1он

Путин: Ако Русија ги напушти Советот на Европа или ОБСЕ, би можеле да следат и други земји

А1он

Русија ја идентификуваше новата варијанта на коронавирусот, која е позаразна од Делта

А1он

Исклучен руски нуклеарен реактор, испуштал пареа

А1он

Бајден загрижен поради кинеските хиперсонични ракети

Ана Ололовска

За американската амбасадорка во Тирана преговорите на ЕУ со Албанија и Македонија треба да почнат без одлагање

А1он