Американски сенатори бараат да се блокира повлекувањето на војниците од Германија

Од:

Двопартиска група од американски сенатори соопшти дека ќе преземе активности за да го спречи претседателот на САД Доналд Трамп да ги повлече војниците од Германија.

Шестмина сенатори, вклучувајќи ги и влијателните републиканци Линдзи Грахам и Марко Рубио, изјавија дека планираат да го изменат законот за трошоците за одбрана, со цел да се ограничи употребата на средства за намалување на војниците во Германија.

– Во време кога САД и нашите европски сојузници треба да продолжат да дејствуваат заедно за да ги спречат злонамерните влијанија, во наш национален интерес, како и во интерес на нашите сојузници и партнери, е да го продолжиме нашето присуство во Германија, изјави сенаторот Рубио.

Во меѓувреме, поранешниот републикански кандидат за претседател на САД, Мит Ромни напиша на Твитер дека повлекувањето би претставувало подарок за Москва.

– Повлекувањето на американската војска од Германија ќе биде подарок за Русија. Тоа е последното нешто што треба да го направиме. На овој начин се загрозува американската национална безбедност и се поткопува НАТО, напиша Ромни.

Трамп претходно овој месец објави дека САД ќе го намалат бројот на распоредените војници во Германија до 25.000. Тој го обвини Берлин дека не ги исполнува своите финансиски обврски кон НАТО. Американскиот претседател истакна дека ќе премести дел од војниците од Германија во Полска.

Овој потег беше критикуван од германски министри, меѓу кои и министерката за одбрана Анегрет Крамп-Каренбауер и министерот за надворешни работи, Хајко Мас.

Би можело да ве интересира

Трамп се закани со вето на предлог-законот за одбрана кој предвидува преименување на воените бази

А1он

ВИДЕО: Со булдожери и оклопни возила полицијата во Сиетл ја отстрани „Автономната зона“

Горјан Грнчаровски

Нов дневен рекорд во САД – 47.000 позитивни на коронавирус

А1он

Мисисипи го отстрани симболот на Конфедерацијата од државното знаме

А1он

Најпознатиот американски бренд за пица банкротираше

А1он

Кина со контрамерки против четири американски медиуми

Ана Ололовска