„Америка се врати, дипломатијата се врати“, прогласи Бајден во говорот во Стејт департментот

Од:

Реформирање на мускулите на НАТО и повторно градење доверба со сојузниците и партнерите, како и ангажман со противниците и соперниците преку силата на дипломатијата, беа пораките на американскиот претседател Џо Бајден во неговото обраќање во Стејт департментот.

Споделувајќи ги принципите според кои ќе ја води надворешната политика на САД во следните четири години, Бајден се осврна и на ангажманот со противниците, прво споменувајќи ги Русија и Кина.

– Затоа вчера прифатив продолжување на договорот СТАРТ со Русија, што е добро и го прави светот побезбеден. Му кажав на Путин дека не прифаќаме мешање во изборите, хакерски напади, труење на нивни државјани, рече Бајден.

Тој додаде дека САД и сојузници се длабоко загрижени поради политички мотивираниот прогон на рускиот опозиционер Алексеј Навални.

– Навални има права како и секој руски граѓанин, но е казнет поради тоа што открива корупција во високите владини редови, и бараме негово итно и безусловно ослободување, повика Бајден.

Тој истакна дека САД ќе бараат решенија за царините воведни кон Кина од претходната администрација, но се прави оценка колкава е штетата и каква корист тие и носат на американската економија.

Бајден порача дека во меѓународната заедница треба да се врати почитта кон САД.

Во врската со климатските промени и пандмијата, тој повика на глобална соработка „бидејќи тоа е единствениот начин да одговориме на Ковид-19“.

Други две надворешнополитички приоритети се окончување на поддршката на САД за офанзивни дејства во Јемен и запирање на конфликтот во земјата. Како и стопирање на распоредувањето на американските војници од Германија.

– Оваа војна мора да заврши, истакна тој за Јемен и додаде дека САД ќе продолжат да ја заштитуваат Саудиска Арабија од иранските напади.

Бајден им порача на сите дипломатски преставнции на САД дека е со нив и дека ја почитува нивната експертиза „да водат со пример“.

Тој уште еднаш порача дека „Америка се врати, дипломатијата се врати, да го ангажираме светот, ќе се спротивствиме на предизвиците со пандемијата, на климатските промени, и ќе застане во одбрана на човековите прва насекаде низ светот“.

Би можело да ве интересира

САД испратија дополнителни сили во Авганистан за да помогнат со повлекувањето на војската

Ана Ололовска

(ВИДЕО) САД: Девојче од 6-то одделение, во училиште застрела три лица

Ана Ололовска

Песков: Нема нови информации за средба Путин – Бајден

Ана Ололовска

Блинкен: Ќе одговориме на агресивните постапки на Русија и на обидите на кинеското загрозување на светскиот поредок

Ана Ололовска

Стапката на наталитет во САД падна за четири отсто на најниската точка досега

Ана Ололовска

САД поддржува укинување на патентите за интелектуална сопственост за вакцините против Ковид

Ана Ололовска