Директорот на Агецијата за здравство и безбедност на храната (АГЕС), Франц Алербергер изјави дека 30 проценти од населението во Австрија било заразено со Ковид-19.
Тој своите тврдења ги заснова на податоците од студијата спроведена во Ишгл, каде пред една година беше главното жариште на Ковид-19 во Австрија.
– Според податоците од студијата може да се дојде до заклучок дека нешто повече од три милиони Австријци се инфицирале со Ковид-19, посочи Алербергер.
Податоците за бројот на инфицирани лица е важно за ппостигнување на колективен имунитет, за што е потребно најмалку од 50 до 60 проценти од населението да се стекне со имунитет, што би овозможило нормален живот.
Вакцинацијата во Австрија побавно се спроведува од планираното, а една од причините се и проблемите во испораката на вакцините.