Ал Џезира го обвини Израел за смртта на новинарката

Од:

Ал Џезира денеска го обвини Израел за смртта на новинарката која беше убиена додека известуваше за израелски напад на Западниот Брег.

Како што е наведено, Ширин Абу Аклех, позната палестинска новинарка, била погодена со куршум во главата и набргу потоа починала.

Уште еден палестински новинар кој работи за Ал Кудс со седиште во Ерусалим е ранет, но е во стабилна состојба.

Катарската телевизија го обвини Израел и во соопштение објавено на својот канал ја повика меѓународната заедница „да ги осуди и да ги смета израелските окупаторски сили одговорни за намерното таргетирање и убиство на колешката Ширин Абу Аклех“.

На видеото од инцидентот се гледа како Абу Аклех носи син заштитен елек на кој јасно пишува „ПРЕС“.

Израелската армија соопшти дека нејзините сили биле цел на силен оган и експлозиви за време на операцијата во Џенин и дека возвратиле.

Се додава и дека „армијата го истражува настанот и ја испитува можноста новинарите да биле погодени од вооружени Палестинци“.

Извор: МИА

Би можело да ве интересира

На Западниот брег убиен лидерот на терористите Абдулах Абу Шалал соопшти израелската војска

(ВИДЕО) Објавена вознемирувачка снимка: Израелски војници пукаат во Палестинец со посебни потреби

(ВИДЕО) Израелците блокираат влез во болница: Лекарите не можат да дојдат до пациентите, двајца починаа

Катерина Ѓуровски

Шест Палестинци убиени на Западниот Брег

Најмалку пет Палестинци убиени на Западниот Брег

Катерина Ѓуровски

За основните потреби на луѓето во Газа и на Западниот Брег се потребни 1,2 милијарди долари

Катерина Ѓуровски