Турскиот министер за одбрана, Хулуси Акар, побара од Ерменија да ја заврши „окупацијата“ на дел од територијата на Азербејџан и да ги повлече своите „платеници и терористи“ од Нагорно Карабах.
-Ерменија мора веднаш да ги прекине своите напади и да ги повлече своите платеници и терористи од Нагорно Карабах и територијата на Азербејџан, рече Акар, додавајќи дека е неопходно да се воспостави прекин на огнот и мир.
Турција уште вчера недвосмислено соопшти дека му дава поддршка на Азербејџан.
Судирите во Нагорно-Карабах избувнаа вчераутро и траат веќе два дена, а според најновите информации, досега има 21 загинато лице и неколку стотици повредени.
Ереван ја обвини Анкара дека и турската армија учествувала во судирите, но Баку тоа го демантира.