Афера Курц: За изманипулирана анкета исплатени 156.000 евра

Од:

Внатрешна истрага на Министерството за финансии во Австрија откри корупциски скандали околу поранешниот австриски канцелар Себастијан Курц, јави ДПА.

„Меѓу другото, на виделина излегоа и неразбирливи исплати нарачани од анкетар од над 120.000 евра, соопшти Министерството.

Канцеларијата на државниот обвинител за корупција води истрага против Курц и неколку негови соработници. Се сомнева дека „манипулираните анкети биле финансирани од парите на даночните обврзници со цел да се отвори патот на Курц до врвот на неговата конзервативна Австриска народна партија и до канцеларската функција“. Се наведува дека со проектот управувало Министерството за финансии.

Курц и поранешниот министер за финансии Гернот Блумел во повеќе наврати ги отфрлаа обвинувањата пред да поднесат оставка.

„Целата слика навистина не е особено розова“, рече Ханес Шух, шеф на внатрешната истрага.

Министерството нарачало анкетарот да подготви студија за речиси 35.000 евра. Но, од неразбирливи причини добил речиси 156.000 евра.

Покрај тоа, ревизијата критикуваше неправилности и во распределбата на огласите во весниците. Државното обвинителство гледа поврзаност меѓу огласите на Министерството и објавувањето на „накитените“ анкети во таблоидите.

Би можело да ве интересира

Србин е уапсен во Австрија за силување жена

Селекторот на Австрија отстрани тројца играчи од тимот поради хомофобија

Tри борбени кучиња во Австрија убија жена, сопственичката на животните е осудена

Авганистанец е осомничен за убиството на три сексуални работнички во бордел во Виена

Горан Наумовски

За помалку од 24 часа во Виена се убиени четири жени и едно девојче

Авганистанец уби три жени во Виена