Под зајакнатии безбедносни мерки во Саудиска Арабија аџиите денеска го почнаа тридневниот ритуал за фрлање камења по ѓаволот, јави ДПА.
Во пустината Мина, на околу седум километри североисточно од Мека, распоредени се огромен број припадници на силите за безбедност, кои треба да превенираат судири и да го одржуваат редот и мирот за време на ритуалот.
Во 2015 година, околу 700 аџии загинаа од задушување и стампеда за време на изведувањето на овој ритуал, по што ескалираа тензиите меѓу Саудиска Арабија и Иран. Техеран лани побара од Саудиска Арабија да и се одземе управувањето со главните исламски светилишта Мека и Медина, бидејќи „заминувањето на аџилак го претвориле во туристичко патување“.