Администрацијата на Трамп го информираше Конгресот за антитерористичките операции на САД зад граница

Од:

Претседателот на САД, Доналд Трамп ги информираше лидерите на Сенатот и на Претставничкиот дом на американскиот Конгрес за антитерористичните операции против ИД, Ал Каеда и талибанците, што се вршат од американските сили зад граница.

Во известувањето се вели дека единици на американската армија продолжуваат со операциите против трите организации и поврзани со нив групи во Авганистан, Ирак, Сирија, Јемен, Јордан, Либан, Турција, Сомалија, Кенија, Џибути и Нигер.

Трамп освен тоа го извести раководството на Конгресот дека американски војници влегуваат во составот на мировните сили и мисии на воени набљудувачи на Синајскиот полуостров во Египет и во Косово, и помагаат на Владата на Филипини во борбата против тероризмот, а исто така се во поморската база Гвантанамо на Куба.

Во документот се истакнува дека операциите во Сирија и Ирак, кои САД ги извршиле со помош на многубројни партнери, имале ефект – уништување на способностите на ИД.

За ситуацијата во Авганистан се забележува дека и покрај напорите за решавање на конфликтот таму, САД остануваат во состојба на вооружен конфликт со талибанците.

Би можело да ве интересира

Уапсени 53 мигранти на границата на САД со Мексико

Ана Ололовска

Рохани ги повика западните земји да го напуштат Персискиот залив

Помпео: Распоредувањето дополнителни сили во заливскиот регион е заради одвраќање

Командант на морнарица: Иран разорно ќе реагира на агресија

Сенатор од Пенсилванија уапсен поради обвинувања за педофилија

Трамп се заканува дека борците на ИД ќе ги пушти на европските граници

Ана Ололовска