Израелските сили денеска издадоа нови наредби за евакуација на северот на Појасот Газа, додека најмалку 35 лица загинаа во воени напади од понеделникот вечерта.
Во воздушен напад во понеделникот вечерта, две куќи беа оштетени во градот Беит Лахиа во северниот дел на Газа, а најмалку 20 лица загинаа, објави денеска официјалната палестинска новинска агенција ВАФА и медиумите под контрола на Хамас, пренесе Ројтерс.
Здравствените власти соопштија дека 10 лица биле убиени во централните области на палестинската енклава, шест во одделни воздушни напади врз градот Газа и градот Деир Ал-Бала и четворица во градот Ал-Заваида, додека уште најмалку пет биле убиени во израелски напад врз куќа во Џабалија, северно од градот Газа.