Нигериската војска вчера се судри со екстремисти од групата Боко Харам во градот Маидугури, во североисточниот дел од земјата, при што загинаа еден војник и 13 бунтовници.
– Припадниците на армијата денеска се судрија со терористите на Боко Харам во два градски кварта. Во пресметката еден војник загина, а двајца се повредени, додека од другата страна убиени се 13 терористи, соопшти претставникот на локалните безбедносни сили Сагир Муса.
Вооружената група Боко Харам е формирана во 2002 година и бара воведување на шеријатскиот закон во цела Нигерија, вклучувајќи го и јужниот дел на земјата, каде главно живеат христијани и анимисти.