Во изминатото деноноќие, во Австрија е забележано значително зголемување на бројот на новозаразени со коронавирус, кој повторно е трицифрен за првпат од средината на април.
Според Министерството за здравство, регистрирани се 107 новозаразени лица, од кои најголем број се во провинцијата Горна Австрија каде има 61 случај, а на второ место е главниот град Виена со 24 новозаразени.
Од почетокот на епидемијата на коронавирусот во Австрија, позитивни на Ковид-19 се вкупно 17.778 лица, од кои 16.491 се излекувале, а вкупно биле тестирани 620.866 лица.