Непознат човек вперил пиштол во партискиот лидер на бугарските турци Ахмед Доган додека се обраќал на учесниците на партиската конференција во Софија.
Toj станал од публиката и тргнал кон Доган со вперен пиштол, во моментот кога лидерот на Движењето за правата и слободите ја критикувал политиката на ЕУ и бугарската влада.
Мажот не успеал да пука пиштолот, бидејќи Доган успеал да му го исфрли пиштолот од рака, а потоа делегатите на конференцијата го фатија и турнаа на подот, јавуваат бугарските медиуми.
Веднаш потоа, неколку делегати скокнале од своите места и го претепаа напаѓачот. 
Утврдено е дека напаѓачот поседувал пропусница за собирот, но не е познато дали тој бил делегат, и како успеал да внесе оружје покрај силното обезбедување. Движењето за права и слободи е основано во 1990 година. и е трета политичка партија во Собранието на Бугарија.
Бугарските медиуми претходно објавија дека Доган би можел да се повлече денеска од функцијата претседател на партијата и за лидер на партијата да биде поставен Љутвија Местан.
На денешната конференција присуствуваат околу 800 делегати и 600 гости, меѓу кои е и лидерот на Партијата за демократска акција на Санџак Сулејман Угљанин.