Зверев: Против Ѓоковиќ мора да играш совршено, инаку нема да победиш

Од:

Олимпискиот шампион Александар Зверев ги сподели своите очекувања од средбата со Новак Ѓоковиќ во полуфиналето на УС Опен.

– Пред натпреварот со Новак, се подготвувате да ја прикажете вашата најдобра игра. Треба да играте совршено против него, инаку нема да победите. Но, честопати не сте во можност да го одиграте совршениот натпревар, поради што секој губи од него толку често. Треба да ја изнудите победата од него, тој самиот никогаш нема да подари ништо. Со него треба да доминирате и да направите што е можно помалку неизнудени грешки, изјави Зверев.

Германскиот тенисер објасни и на што мислел кога рекол дека победата над Ѓоковиќ во Токио му дала многу на психолошки план.

– Олимпијадата е најважниот турнир во светот. Изгубив сет и брејк од првиот рекет на светот, но излегов од критична ситуација и ја свртев играта. Беше необичен натпревар, доживеав уникатни емоции. Беше убаво да се освои медал за Германија. Сфатив и дека сум првиот во сезоната што го победи Новак во навистина важен натпревар за него. Тој не загуби од никого и освои неколку Грен слема по ред. Секако дека тогаш ќе добиете зголемување на самодовербата. Се надевам дека ќе можам да ја продолжам мојата успешна серија, додаде Зверев.

Мечот Ѓоковиќ – Зверев е закажан за утревечер. Србинот е прв, Германецот четврти носител на Грен слемот во Њујорк кој се игра за награден фонд од 57,5 милиони долари.

Би можело да ве интересира

Дебитантско финале на Индијан Велс

Ана Ололовска

Мареј ќе го пропушти Дејвис купот

Ана Ололовска

Федерер излегува од Топ 10 за прв пат од јануари 2017 година

Ана Ололовска

Зверев обезбеди пласман на завршниот АТП турнир

Ана Ололовска

Соборен рекордот на Федерер според бројот на Мастерс настапи

Ана Ололовска

Мекинро: Еднаш ја криев лутината, затоа што момците не смеат да плачат

Ана Ололовска