Тренерот на Реал Мадрид, Зинедин Зидан ќе остане на кормилото на актуелниот европски и шпански шампион и по завршувањето на сезоната. Французинот потврди дека ја обнови соработката со тимот од „Бернабеу“.
– Прашањето околу обновување на договорот е веќе затворено. Одам чекор по чекор, не гледам многу далеку од тоа, изјави Зидан.
45-годишниот тренер пред еден месец соопшти дека се договорил со управата за нов тригодишен договор, но дека ништо не е официјализирано.
Зидан на тренерската позиција на Реал е назначен на почетокот на 2016 година. Оттогаш го предводеше тимот до седум трофеи, од кои два во Лигата на шампионите, еден во Примера, два Супер купа на УЕФА, еден од Клупското СП и еден од Шпанскиот Супер куп.