Европскиот и шпански првак Реал Мадрид дуелот од 5 коло од Примера вчера на домашен терен со Бетис го загуби со 0:1. откако прими гол во судиското продолжение од вториот дел.
Победата на Бетис и ја донесе Антонио Санабрија со голот во 90+4 минута, но тренерот на Реал Мадрид, Зинедин Зидан е со свое видување за поразот.
– Не одигравме добар натпревар, но не бевме и лоши. Имавме шанси, но топката не сакаше во противничкиот гол. Мора да бидеме мирни дека имаме уште многу да играме, изјави Зидан.
Реал Мадрид се наоѓа на седмото место на табелата со осум бодови или седум помалку од лидерот Барселона. Во следното коло Реал гостува кај Алавес.
Ова беше прва победа на Бетис во Мадрид од 1998 година, а притоа е прекината серијата од 73 натпревари на кои фудбалерите на Реал Мадрид постигнувале гол.