Хрватскиот ракометен шампион Загреб Кроација Осигурање е првиот финалист на „Фајнл фор“ турнирот од регионалната СЕХА лига што се одржува во Скопје.
Предмалку во СЦ „Борис Трајковски“ Загреб КО го совлада белорускиот претставник Брест Мешков со 29:32. На полувреме Белорусите водеа со 17:16, но во вторите 30 минути хрватскиот тим заигра поагресивно во одбраната, а ја задржаа и ефикасноста во нападот што резултираше со конечен триумф.
Вечерва од 19 часот во второто полуфинале ќе играат македонските екипи Металург и Вардар Про. Во лигашките натпревари двете екипи остварија по една победа, но Металург на овој турнир ќе настапи ослабен без повредените Дејан Манасков, Филип Миркуловски, додека неизвесено е учеството на Велко Маркоски.
Во недела од 19 часот ќе се игра финалето, додека за 3.место во терминот од 17 часот ќе играат Брест Мешков и поразениот од второто полуфинале.
Пехарот ланската сезона го освои Вардар Про.