Втора победа за македонските кадети на Медитеранските ракометни игри во Атина

Од:

Mакедонската кадетска репрезентација ја совлада селекцијата на Саудиска Арабија со 22:14, на Медитаранските ракометни игри во Атина во натпреварите за пласман од 9. до 15. место, а утре го игра последниот натпревар против Кувајт во обид да се избори за подобра позиција, јави дописничката на МИА од Атина.

Нашата репрезентација во трите периоди од 15 минути беше подобра од противниците (6:5, 8:4, 8:5) и убедливо со 22:14 оствари триумф.

Ова е втора победа за македонските кадети, а сега вниманието е насочено кон утрешниот натпревар со Кувајт.

Селекторот Никола Матлиески, по натпреварот рече дека неговите избраници одиграа добро, иако направиле неколку технички грешки.

Од почетокот на Медитеранските игри, по групната фаза и во разигрувањето што е во тек, македонската кадетска репрезентација има пет порази, две победи и еден нерешен резултат.

Кадетите загубија од Црна гора (22:17), од Хрватска (21:18), од Шпанија ( 21:14) од Тунис (19:17) и од домаќинот Грција (25:14), а беа поуспешни од Мароко (21:17) и од репрезентацијата на Саудиска Арабија (22:14). Нерешено (18: 18) одиграа со Турција.

Домаќинот Грција, со денешната победа над Турција, во нашата група за пласман од 9-15. место, веќе ја обезбеди деветтата позиција.

Би можело да ве интересира

Извлечени групите за ракометната Супер Лига

Ана Ололовска

Македонските ракометарки во првиот шешир за извлекувањето на претквалификациските групи за СП 2021

Ана Ололовска

Филип Чурлевски нов играч на РК Прилеп

Ана Ололовска

Македонската репрезентација попладне ќе ги добие противниците во квалификациите за ЕП 2022

Ана Ололовска

Заради корона пандемијата се откажува шестиот ракометен камп „Кирил Лазаров 7“

Ана Ололовска

Познат изгледот на шеширите за баражите за СП 2021, С. Македонија во групата неносители

Ана Ололовска