Возњацки и Квитова си загарантираа место во финалниот турнир на ВТА

Од:
Минатогодишната шампионка на финалниот турнир на ВTA, Каролин Возњацки и чешката тенисерка – Петра Квитова, си ги загарантираа местата за овогодинешното издание на турнирот, што ќе се одржи на крајот на месецот во Сингапур.
Двете се приклучуваат на Симона Халеп, Анжелик Кербер и Наоми Осака, кои веќе се квалификуваа за натпреварите предвидени за периодот 21-28 октомври, објавија ВТA.
– Да го освојам финалниот турнир на ВTA минатата година беше вистинска награда, а во исто време признание за мојот напредок. Оваа победа тогаш ми помогна за моето претставување и во оваа сезона. Гледам напред и ќе дојдам во Сингапур, за да ја бранам титулата, вели Возњацки.
Тенисерката од Данска го обезбеди успехот на турнирот по денешната победа со 7:5, 6:4 над Естонката, Анет Контавеит во Пекинг.
Чехињата Квитова, која го освои истото финално издание на ВТА во 2011 година, се рангира првпат од 2016 година.
Најдобрите осум натпреварувачи ќе поделат награден фонд од седум милиони долари, а за победникот предвиден е и трофејот Били Џин Кинг.

Би можело да ве интересира

Синер го освои Австралија опен по чудесен пресврт против Медведев

(ВИДЕО) Победа со честитка „Бог се јави“: Ѓоковиќ во три сета го порази Аргентинецот Ечевери

А1он

Ѓоковиќ испиша нова историја во Мелбурн

А1он

Тенисер e суспендиран на 10 години поради местење натпревари

Алкараз ја доби наградата што АТП никогаш не му ја додели на Ѓоковиќ

Предраг Петровиќ

Седум тенисери се суспендирани поради местење натпревари

Горан Наумовски