Вокер останува „граѓанин“ до 2024

Десниот бек на Манчестер Сити, Кајл Вокер официјално повторно потпиша со граѓаните, а неговиот нов договор е до летото 2024 година.

Англискиот репрезентативец им се придружи на „небесно-сините“ во јули 2017 година од Тотенхем и брзо се етаблира како стартер кај Пеп Гвардиола.

За две години во тимот тој има точно 100 натпревари на сите турнири, освојувајќи ја двапати Премиер лигата и Лига Купот, и по еднаш ФА Купот и „Комјунити Шилд“.

– Возбуден сум што потпишав нов договор. Играњето за Сити е сè што сум се надевал дека ќе биде, дури и повеќе. Тоа беше лесна одлука. Сакам да се натпреварувам за трофеи и да играм на највисоко ниво. Чувствувам дека значително се подобрив како играч, откако сум тука. Визијата на клубот, и на и надвор од теренот, совршено ми одговара. Не можам да дочекам да ги поминам следните пет години тука и се надевам дека ќе освојам повеќе трофеи, сподели Вокер за веб-страницата на клубот.

Би можело да ве интересира

Зидан: Нема промена во ситуацијата со Бејл

Почетино: Ќе заминев од Тотенхем, ако ја освоeвме Лигата на шампионите

Toтехенм со рекорден трансфер од 80 милиони евра

Ширер го советувал Стив Брус да не го презема Њукасл

Поранешниот напаѓач на Ливерпул доби забрана за натпреварување

Роџерс со предупредување до Сити и Јунајтед за Мегваер

Ана Ололовска