ВИДЕО: Украина го урна македонскиот сон за осминафинале, горчлив пораз за „црвено-жолтите“

Од:

Македонската фудбалска репрезентација попладнево загуби од селекцијата на Украина во вториот натпревар на Европското фудбалско првенство. Нашите репрезентативци одиграа храбро, но мечот го започнаа со извесен грч и под притисок на целта – триумфот кој ќе водеше до осминафиналето. Сепак, Украинците покажаа поголема умешност и подобра игра, па на крајот стигнаа до победата.

Избраниците на Игор Ангеловски имаа два гола негатива уште во првото полувреме – по иницијативата на Украинците, Јармоленко во 29 минута и Јаремчук пет минути подоцна беа прецизни, а 0:2 беше резултатот со кој се отиде на одмор.

Во второто полувреме, селекторот Ангеловски направи две замени и во игра ги внесе Чурлинов и Трајковски, а целиот тим влезе во вториот дел порешително, што резултираше со првите посериозни шанси за гол во мрежата на Украина. Во 54 минута, Трајковски стрелаше, а топката заврши во пречката, откако ја зафати и голманот. Во продолжението на акцијата, Караваев го спречи Пандев да стигне до топката, а судијата досуди пенал за Македонија. Ударот од 11 метри на Алиоски најпрвин го одбрани украинскиот голман, но веднаш потоа нашиот репрезентативец успеа да се поправи за 2:1.

Македонија продолжи со нападите, барајќи втор гол, но ризичната стратегија за малку ќе значеше и зголемување на водството на Украина, да не беше нашиот извонреден голман Столе Димитриевски, кој одбрани неколку незгодни удари на Украинците. Димитриевски повторно беше во центарот на вниманието и во 84 минута, кога по прегледувањето на снимките, со помош на ВАР-системот судијата одлучи за удар од белата точка за Украина, а Димитриевски успеа да го одбрани ударот на Малиновски.

Нашата репрезентација со овој пораз, како и со загубениот натпревар против Австрија, е без бодови во групата и своето прво Европско првенство со огромна веројатност ќе го заврши во групната фаза, откако ќе го одигра натпреварот против Холандија во Амстердам.

Би можело да ве интересира

УЕФА го објави идеалниот тим на ЕВРО 2020

Жарко Настоски

Шкотски весник предлага Манчини да биде прогласен за почесен граѓанин на земјата

Ана Ололовска

Донарума за последниот пенал во финалето: Не славев затоа што не знаев дека победивме

Ана Ололовска

Секој италијански репрезентативец ќе добие по четврт милион евра за европската титула

Жарко Настоски

Саутгејт ќе размисли дали би прифатил нов договор

Жарко Настоски

Во Италија загина 22-годишно момче, а десетици се повредени во шампионската прослава

Жарко Настоски