ВИДЕО: Триесет години од пеналот на Панчев за европска титула на Црвена ѕвезда

Од:

Најдобриот македонски фудбалер на минатиот век Дарко Панчев во интервју за српските медиуми евоцираше спомени од финалето во Купот на европските шампиони во кое на денешен ден пред 30 години во Бари со решавачкиот удар од белата точка и донесе историска титула на Црвена ѕвезда.

– Имав страв и трема, бидејќи тој пенал одлучуваше. Но, добро, сè се заврши како што треба. Имајќи предвид дека бев голгетер, мојата девиза беше да постигнувам голови, а дали се убави или не, тоа не е важно, изјави Панчев во интервју за порталот Б92.

Црвена ѕвезда во сезоната 1990/91, во која Панчев стана најдобар стрелец во Европа, ги совлада екипите на Грасхоперс, Глазгов Ренџерс, Динамо Дрезден и Баерн Минхен, на патот до финалето против Олимпик Марсеј.

По 120 минути без постигнат гол на двете страни, финалето го одлучи изведувањето пенали во кое Панчев беше прецизен во петтата серија и белградскиот состав со вкупни 5:3 стана европски шампион.

Во декември истата година, шампионската генерација на Црвена ѕвезда со Панчев и Илија Најдоски во составот, стана и светски првак со победата над Коло коло од Чиле со 3:0 во Токио.

Триесетгодишниот јубилеј од европската титула денеска свечено ќе биде одбележан во Белград.

Би можело да ве интересира

Роналдо постави рекорд во ЛШ

Ана Ололовска

Куман ја пофали Барселона за играта во одбрана против Динамо Киев

Ана Ололовска

Роналдо по победата над Аталанта: Никогаш не се откажуваме

Ана Ололовска

Пиоли: Порто победи заслужено, Милан не беше на ниво

Ана Ололовска

Гризман стана првиот играч во историјата на ЛШ кој постигнал два гола и добил црвен картон на ист натпревар

Ана Ололовска

Симеоне објасни зошто не се ракуваше со Клоп по поразот од Ливерпул

Ана Ололовска