Тежок инцидент го одбележа денешниот натпревар од српската Суперлига меѓу Јавор и Нови Пазар во Ивањица, на кој главниот судија поништи навидум сосема регуларен гол за гостите од Нови Пазар, постигнат по истекот на регуларниот дел од мечот.
По десетминутна пауза, откако изгледаше дека се смирија страстите, а судијата Драгољуб Миниќ покажа само еден жолт картон, проблемите продолжија. Овој пат, веднаш откако се тргна од центарот, при еден остар стар на гостински фудбалер, дојде до туркање меѓу повеќе играчи од двете екипи, а малку недостасуваше тоа да прерасне во отворена физичка пресметка на теренот.
По натпреварот, реагираше почесниот претседател на Нови Пазар, политичарот Расим Љајиќ, кој го нападна судијата, обвинувајќи го за тенденциозно судење, односно дека отворено „свирел“ во корист за домаќините.