ВИДЕО: Швајцарскиот скијач помина добро – само потрес на мозокот и скршена клучна коска по ужасниот пад со 147 километри на час

Од:

Швајцарскиот скијач Урс Криенбил, кој денеска имаше страшен пад на познатата патека за спуст Штрајф во австрискиот ски-центар Кицбил, има тежок потрес на мозокот и скршена клучна коска, како и скинати лигаменти на десното колено, но не е во животна опасност, соопштија лекарите.

Криенбил ја загуби рамнотежата на последниот скок од спустот при брзина од 147 километри на час, удирајќи со главата во патеката, пред да влета во целта и да остане неподвижен на снегот, пред запрепастените гледачи.

На вознемирувачката снимка може да се слушне стравот во гласовите на коментаторите по падот на 26-годишниот скијач, а тие потоа буквално занемеа од страотната глетка, не знаејќи дали Криенбил е воопшто жив.

Трката веднаш беше прекината, а скијачот беше префрлен со хеликоптер во болница.

Патеката Штрајф е најпознатата, но и најопасната во спуст-трките во Светскиот куп и на неа често се случувале падови со тешки повреди, а неколкумина скијачи и загинале спуштајќи се по речиси вертикалните падини на планината Ханекам.

Би можело да ве интересира

Браатен шокира со одлуката да го напушти скијањето, легендата му нуди брак за да му ја спаси кариерата

Предраг Петровиќ

Скијањето станува загрозен спорт

Предраг Петровиќ

Откажан стартот на скијачката сезона

Шифрин го собори рекордот на Стенмарк за победи во една дисциплина

Ана Ололовска

Влхова победи на слаломот во Крањска Гора

Ана Ололовска

Кобајаши победник на вториот натпревар од турнејата „Четири скокалници“

Катерина Ѓуровски