Две навивачки на Сиетл беа избркани од стадионот на Ванкувер, поради одбивање да го тргнат транспарентот на кој имаше пароли за антифашизам и антирасизам.
Инцидентот се случи за време на натпреварот од плеј-офот на МЛС лигата одигран ноќта меѓу неделата и понеделникот кој заврши без победник 0:0.
Се уште нема објаснување од раководството на МЛС лигата, ниту од домашната екипа на Ванкувер, поради која причина беа отстранети навивачките на Сиетл.
Неофицијално, полицијата ги избркала двете лица поради носење транспарент со политички содржини.