Првопласираниот на табелата не успеа да слави на незгодното гостување кај Свонси во натпреварот кој заврши со конечни 1:1, по што предноста на Јунајтед на врвот се намали на четири поени во однос на Сити.
Составот на Михаел Лаудруп успеа да ги издржи нападите на гостите од Манчестер и со тоа да дојде до голем бод.
По погодокот на Патрис Евра за водство на Јунајтед во 15. минута Шпанецот Мичу беше тој кој со својот гол во 29. минута ги постави конечните 1:1 за првото реми на гостите оваа сезона.
Со тој свој гол Мичу го изедначи рекордот на Серхио Агуеро од 13 погодоци постигнати од еден странец пред Божиќ во неговата дебитантска сезона во Премиер лигата.