Првата ѕвезда на Милвоки и актуелен МВП од минатата сезона, Гркот Јанис Адетокумбо, беше исклучен на ноќешниот натпревар против Вашингтон Визардс, откако го удри со глава противничкиот играч Мо Вокер.
Во втората четвртина од средбата, на Адетокумбо му беше суден фаул во напад при еден пробив во кој Вокер одлично се постави. Изнервиран од судиската одлука, Јанис се доближи до Вокер и го удри со главата, по што судиите го испратија во соблекувалната.
Грчкиот репрезентативец по средбата рече дека жали за својата постапка.
– Ужасен чин. Кога би можел да се вратам назад, јас не би го сторил тоа, изјави играчот по натпреварот. Адетокумбо се соочува со дисквалификација на повеќе натпревари поради неспортско однесување.