Екипата на Хјустон претрпе минимален пораз ноќеска на домашен терен во дуелот со Вашингтон. Ова беше трета победа во серија за Вашингтон, а предводник на тимот беше Бредли Бил, кој постигна 33 поени вклучувајќи ги шестте слободни фрлања во последните две минути.
Во поразениот тим Џејмс Харден, кој е избран за најдобар играч за претходната недела на Запад постигна исто така 33 поени.
Резултати на ноќешните НБА дуели: Шарлот – Милвоки 94:104 (продолжение), Индијана – Чикаго 90:92, Бруклин – Сакраменто 107:99, Мајами – Орландо 101:102, Хјустон – Вашингтон 103:104 и ЛА Клиперс – Јута 101:97.
Вечерва се играат десет натпревари: Орландо – Детроит, Атланта – Кливленд, Чикаго – Бруклин, Мемфис – Сан Антонио, Њу Орлеанс – Феникс, Далас – Вашингтон, Денвер – ЛА Лејкерс, Јута – Минесота, Портланд – Торонто и Голден Стејт – Филаделфија.
Пласман Источна конференција: Торонто 24-7 (победи-порази), Атланта 22-8, Вашингтон 22-8, Чикаго 22-9, Кливленд 18-12,…
Пласман Западна конференција: Голден Стејт 24-5, Портланд 25-7, Мемфис 22-8, Хјустон 21-9, Далас 22-10, ЛА Клиперс 21-11,…