ВИДЕО: Ѓоковиќ се сретна со Вучиќ – за 10 дена ќе каже што се случуваше во Австралија

Од:

Новак Ѓоковиќ му се заблагодари на српскиот претседател Александар Вучиќ за поддршката која Србија и институциите му ја пружиле додека беше во притвор во Мелбурн поради проблеми со визите за Австралија.

Претседателот на Србија му се заблагодари на Ѓоковиќ што покажал почит кон Србија и што ја прославил земјата во светот.

-Постои една работа што е непобитна и восхитувачка. Јас и Новак се слушнавме првото или второто утро во Австралија, тоа го кажав попатно, па замолчав – ајде Ноле, врати се, што ќе правиш таму, а потоа видов колку е упорен човекот, колку сака да се бори на спортски терен, да се избори не само за себе, туку и за својата земја и да покаже колку е подобар, изјави Вучиќ.

На прес-конференцијата по средбата со Вучиќ во зградата на Претседателството, Ѓоковиќ оцени дека претседателот на Србија поради ангажманот „веројатно се ставил во компромитирана позиција“ во сферата на меѓународните односи.

-Иако бев сам во притворот во Австралија, не се чувствував осамено. Ја имав, пред се, поддршката од моето семејство и од целиот српски народ. Добронамерни луѓе се јавуваа и се обидоа, јавно и приватно, да го направат мојот престој во Австралија полесен, изјави Ѓоковиќ.

Тој посочи дека Вучиќ и државата Србија немале обврска да му пружат поддршка, дека такво нешто не се подразбира, но дека се цени и почитува.

Ѓоковиќ, кој денеска првпат и се обрати на јавноста по настаните во Австралија, најави дека во следните седум до десет дена ќе се обрати до медиумите со „подетална и појасна“ верзија за настаните пред АО.

Би можело да ве интересира

Блокада за Ѓоковиќ, УС Опен нема да бара исклучок од регулативата за вакцинација

Надал против Ѓоковиќ во четвртфиналето на Ролан Гарос

(ВИДЕО) Ѓоковиќ за Бекер: Срцето ми се кине

Ѓоковиќ: Ќе се откажам од трофеите, но нема да се вакцинирам

Ана Ололовска

Вучиќ ќе се сретне со Новак Ѓоковиќ

А1он

Ѓоковиќ му честиташе на Надал