ВИДЕО: Ѓоковиќ одлучи – оди во Токио, ќе се бори за единствениот голем трофеј што му недостасува

Од:

Најдобриот светски тенисер, Новак Ѓоковиќ, одлучи да учествува на Олимписките игри во Токио, каде ќе се бори за единственото злато од големите тениски натпреварувања кое го нема во колекцијата.

Веста со која ги израдува милионите фанови ширум светот, Ѓоковиќ ја соопшти на својот профил на Твитер.

„Со голема гордост се пакувам за Токио и ѝ се придружувам на нашата репрезентација во борбата за најсјајните одличја на олимписките борилишта. За мене, играњето за Србија секогаш била посебна радост и мотивација и ќе дадам сѐ од себе да нѐ израдувам сите“, напиша Ѓоковиќ.

По ова, Ѓоковиќ објави и видео на кое се гледа роденденската честитка за негов млад фан од Јапонија по име Куџиру, кој за својот шести роденден доби ветување од светскиот рекет број еден дека ќе се видат за време на Олимпијадата, која ќе се одржи од 23 јули до 8 август.

Српскиот тенисер, по победата на Вимблдон, со која се израмни според бројот на грен-слем трофеи со најголемите ривали Роџер Федерер и Рафаел Надал, изјави дека сѐ уште размислува дали да настапи на Игрите во Токио, кои според најавите ќе се одржат без публика во салите и на стадионите, поради сериозната епидемиолошка состојба во Јапонија.

Би можело да ве интересира

ВИДЕО: На местото каде што го апсеа, на Ѓоковиќ му приредија нешто што ќе памети

Ана Ололовска

Ѓоковиќ по десетти пат е крал на Мелбурн

Ана Ололовска

Олимпиското злато и беше одземено на Русинка и доделено на Американка

А1он

„Врската“ меѓу Федерер и Новак влезе во нова фаза: По 12 години, Роџер го заследи Ѓоковиќ на социјалните мрежи

А1он

ВИДЕО: Познат тенисер по поразот не сакаше да се ракува со Ѓоковиќ

Ана Ололовска

Новак: Русија ќе ги намали испораките на гас за Европа за една третина

А1он