Макл Спрот, британскиот боксер, доби три месечна суспензија откако физички го нападна австрискиот судија Герхард Сигл.
Во четвртата рунда од мечот против Едмунд Гербер, на Спрот му беше броено откако Гербер го испрати на подот. И покрај тоа што Британецот откако се подигна му даде на знаење на судијата дека е спремен да ја продолжи борбата, судијата не дозволи и го прекина мечот. Тоа го разбесни Спрот толку што со двете раце го удри судијата Сигл и го собори.
Спрот за ова доби три месечна забрана за настап, а благоста на казната ја објаснуваат со досегашното примерно однесување, во рингот и надвор од него.