Шпанскиот фудбалски шампион Барселона, кој немаше забележителни резултати во летниот подготвителен период, синоќа на домашен терен во пријателски дуел го победи бразилскиот Сантос со убедливи 8:0.
Барселона првпат по доаѓањето на Неимар настапи во комплетен состав и веднаш ја демонстрира својата сила најавувајќи одбрана на титула во Примера Дивизија и поход кон трофејот во Лигата на шампионите.
Головите во убедливата победа против поранешниот клуб на Неимар ги постигнаа: Лионел Меси, Лео (автогол), Алексис Санчез, Педро, Цеск Фабрегас (два), Адриано и Донгоу.
Првиот натпревар од новата сезона во Шпанското фудбалско првенство Барселона ќе го одигра на 17 август на домашен терен против Леванте.