Менаџерот на Арсенал Арсен Венгер смета дека неговиот тим има квалитет да ја освои титулата во Премиер лигата.
– Очекувам доста од овој состав. Играчите имаа повеќе самодоверба отколку на почетокот од минатата сезона. Порано ни недостасуваше квалитет да триумфираме во Премиер лигата, а сега го имаме. Бевме близу до шампионот ланската сезона и поради тоа нашите амбиции пораснаа. Сепак нашата сила ќе се види на теренот против конкурентите кои исто така се засилија, изјави предводникот на Арсенал.
„Топџиите“ минатата сезона го прекинаа долгогодишниот пост без освоен трофеј со триумфот во ФА Купот, а во голем дел од шампионатот беа лидери на табелата.