Поранешниот напаѓач на Манчестер Јунајтед и англиската репрезентација, а сега менаџер на Дерби Каунти, Вејн Руни, повторно е на мета на британските таблоиди, откако беа објавени фотографии на кои се гледа како тој спие во хотелска соба, додека две девојки го сликаат.
Женетиот Руни, кој има четири деца, по гостувањето на неговиот тим во Манчестер се забавувал до доцна во ноќта, а утредента на социјалните мрежи се појавија фотографиите на кои тој изгледа како да дреме, додека двете русокоси девојки позираат околу него во провокативни пози.
Руни тврди дека сликите се дел од местенка со цел да му се изнудат пари, а полицијата отвори истрага во врска со случајот.
Според изјави од сведоци, поранешната ѕвезда и репрезентативец ги повикал манекенките Тејлер Рајан, Елис Мелвин и Брук Морган, сите 21-годишни, во неговото ВИП-сепаре во ексклузивниот клуб „Чајнавајт“ во саботата вечер.
Полицијата истражува можна местенка, а според полициски извори, биле направени повеќе видеа и фотографии кои се предмет на истрагата, а кои не се објавени.