Вашингтон пост: САД подготвуваат дипломатски бојкот на зимската Олимпијада во Пекинг

Од:

Администрацијата во Вашингтон има намера да објави дека претседателот Џо Бајден и сите останати владини чиновници на САД нема да присуствуваат на Зимските олимписки игри 2022 година во Пекинг, јави синоќа Вашингтон пост.

Од извори на весникот се дознава дека бојкотот е планиран како протест против нарушувањето на човековите права од страна на кинеските власти.

Притоа, американските спортисти ќе имаат право да учествуваат во натпреварите.

Конечното решение се уште не е донесено, официјани препораки веќе биле испратени до Бајден, и најверојатно тој ќе ги потврди до крајот на ноември, се наведува во објавата.

Во одговор на објавата на Вашингтон пост, републикаскиот сенатор Мит Ромни изрази поддршка за дипломатски бојкот на игрите.

„Неприфатливо е тоа што Кина организира Олимпијада, а истовремено Комунистичката партија на Кина врши геноцид врз Ујгурите“, напиша Ромни на Твитер.,

Од Белата куќа се уште ја немаат потврдено веста дека се подготвува дипломатски бојкот на ЗОИ 2022 во Пекинг. Официјален претставник изјави дека тоа не било споменато во неодамнешниот разговор меѓу Бајден и претседателот на Кина Си Џинпинг.

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски