Вардар ремизираше во Битола, Скопје не потклекна пред Шкендија

Од:

Во рамките од 25. коло на Првата македонска фудбалска лига Вардар одигра нерешено без голови на гостувањето во Битола кај Пелистер. Шкендија, пак, не беше ефикасна на гости кај последнопласираниот Скопје и одигра реми без голови.

Работнички и Академија Пандев одиграа нерешено 1:1. Силекс со 1:0 ја совлада Победа, а Ренова триумфираше против Шкупи со 3:1.

Вечното дерби под „Тумбе кафе“ помина без фудбалски возбудувања.

Натпреварот и покрај неколкуте шанси за гол не донесе многу квалитетен и интересен фудбал, па ремито без голови беше најреален исход на средбата.

Екипата на Скопје продолжи со изненадувањата во вториот дел од сезоната, па денеска одигра реми без голови против фаворизираната Шкендија. Скопје сега се наоѓа на само четири бода од местото кое води во бараж средбите за опстанок.

Силекс оствари значаен триумф против Победа и е поблиску до пласман во квалификациите за Лига Европа. Дејан Благојевиќ во 26.минута беше стрелец на победничкиот гол за кратовци.

Работнички и Академија Пандев одиграа нерешено 1:1. Давид Атанаскоски беше прецизен во 36.минута и донесе водство за Академија Пандев.

Виктор Ангелов во 64.минута не успеа да реализира пенал за израмнување за Работнички, а Николче Шаркоски пет минути подоцна постигна гол за конечни 1:1.

Ренова го совлада Шкупи со 3:1 во Тетово. Влатко Стојановски двапати беше прецизен за „гипсарите“ во 14 и во 36 минута, а Меџит Незири во 57 минута го зголеми водството на 3:0.

Кристијан Стојковски во 51.минута постигна гол за Шкупи и ја намали разликата на 3:1.

Би можело да ве интересира

Вардар нов лидер на прволигашката табела

Вардар со три гола во второто полувреме до победа над Струга

Тричковски го продолжи договорот со АЕК Ларнака

Ангеловски пред дуелот со Израел: Ќе се обидеме ние да бидеме тие кои се прашуваат на теренот

Северна Македонија на контролни натпревари против Бугарија

Дестани незадоволен од слабите резултати на Шкендија