Вардар на 60 минути од пласман на „Ф4“ во Келн

Од:

Екипата на Вардар вечерва од 19 часот во спортската сала „Вароши“ го игра реваншот од четвртфиналето на Лигата на шампионите против ПИК Сегед.

„Црвено-црните“ синоќа го одбработија единствениот тренинг и подготвени се да ги одбранат осумте гола позитива од мечот со Скопје (31-23) со што ќе обезбедат пласман на „Фајнал фор“ турнирот во Келн, кој ќе биде трет за тимот.

Ова ќе биде десетти меѓусебен дуел на двата клуба, откако скопскиот тим славел шест пати, еднаш загубил, а две средби завршиле нерешено. Сезонава во најелитното ракометно натпреварување, Вардар на гости запиша пет победи, два пораза и едно реми, додека Сегед дома има шест триумфи, двапати ремизираа и нема ниту еден пораз.

Во однос на ростерот, Парондо нема да менува ништо во реваншот со ПИК Сегед.

На голот ќе бидат Милосављев и Гедбан, на бековската линија Кристопанс, Карачиќ, Скубе, Горбок, Војводиќ и Кисељев. Дибиров, Шишкарев, Чупиќ, Поповски и Недановски се крилата, додека пикери се Стоилов, Мораес и Калараш.

Натпреварот ќе го пропушти германскиот интернационалец во редовите на Вардар, Кристијан Дисингер поради повреда.

За Вардар ова веројатно ќе бидат последни натпревари во овој состав во Лигата на шампионите, откако сопственикот Сегеј Самсоненко пред првиот четвртфинален натпревар најави дека повеќе нема да го финансира клубот.

Поранешниот прв човек на клубот, Михајло Михајловски во официјално соопштение до јавноста сепак вети дека ќе направи се за оваа екипа и понатаму да остане ракометен бренд во Европа и покрај заминувањето на Русинот.

Би можело да ве интересира

ЕХФ: Вардар седми фаворит за титулата во ЛШ

Ана Ололовска

Минимален пораз на Вардар на гостувањето во Украина

Ана Ололовска

Писонеро пред мечот со Запорожје: Прв сериозен тест за Вардар

Ана Ололовска

Дибиров: Мечот против Мотор како подготовка за почетокот на ЛШ

Ана Ололовска

Вардар тргна со убедлива победа во СЕХА

Ана Ололовска

ЛШ: Вардар почнува со гостување кај Монпелје на 14 септември

Ана Ололовска