Кошаркарите на Валенсија го добија првиот меч против Уникаха во финалето на второто по квалитет европско клупско кошаркарско натпреварување – Еврокупот.
Првата шпанска финална пресметка одиграна синоќа во Валенсија им припадна на домашните кошаркари кои славеа победа во неизвесен меч со 68:62.
Црногорецот Бојан Дубљевиќ со учинок од 14 поени и 8 скока беше најзаслужниот играч за оваа победа на Валенсија во чии редови двоцифрен број на поени постигна и Хоан Састре кој средбата ја заврши со 13 поени.
Во редовите на Уникаха единствен двоцифрен со 11 поени беше Џеф Брукс.
Следниот меч од финалната серија на програмата е веќе в петок кога домаќин е Уникаха, дуел кој се игра со почеток од 21 часот.
Финалето се игра во два добиени натпревари, па евентуалната „мајсторка“ односно трет дуел е закажан за 5 април во Валенсија.