Екипата за која настапува македонскиот репрезентативец Николче Новески, Мајнц синоќа со 2:1 го совлада Нирнберг и остана во горниот дел на табелата во Бундес лигата. Македонскиот репрезентативец го одигра целиот натпревар и асистираше при постигнувањето на првиот гол за неговата екипа.
Стрелци за Мајнц беа Николај Милер и Андреас Иваншич, а Јорген Нилсен пред крајот на првото полувреме го постави конечниот резултат.
Другите дуели од 11.коло во Германскиот фудбалски шампионат се играат во текот на викендот.
Двојките за денеска се: Фортуна – Хофенхајм, Фрајбург – Хамбургер, Аугсбург – Борусија Дортмунд, Баерн – Ајнтрахт, Шалке – Вердер.
Утре играат: Волфсбург – Баер Леверкузен, Гројтер Фурт – Борусија Менхенгладбах и Штутгарт – Хановер.
Табела: Баерн 27 бодови, Шалке 20, Ајнтрахт 20, Баер Леверкузен 18, Мајнц 17, Борусија Дортмунд 16,…