Шпанската екипа Уникаха е првата која обезбеди пласман во финалето на второто по квалитет европско клупско кошаркарско натпреварување Еврокупот.
Уникаха и во вториот (реванш) натпревар од полуфиналето одигран синоќа во Малага, ја победи руската екипа Локомотив Кубан со 79-66 откако претходно славеше и на гостувањето во Русија со 73:57, па со 2-0 во победи се пласира во финалето.
Кој ќе биде противник на Уникаха ќе се знае на 22 март за кога е закажан третиот дуел меѓу Валенсија и Хапоел Ерусалим. Израелската екипа се избори за мајсторката со победата пред својата публика со 79:66, со што го израмни резултатот на 1-1 во победи.
Финалната серија во кошаркарскиот Еврокуп ќе се игра од 28 март до 5 април, а победник ќе биде екипата која ќе забележи две победи.