Уникаха го освои Еврокупот

Од:

Екипата на Уникаха е победник во второто по квалитет континентално клупско кошаркарско натпреварување – Еврокупот.

Тимот од Малага ја доби мајсторката во финалето против шпанскиот ривал Валенсија со што се избори за место во елитната Евролига наредната сезона.

Во интересен меч во кој двата тима имаа свој добар период на игра, домаќините во последната четвртина влегоа со предност од 13 поени, но гостите од Малага не се предадоа и со серијата од 18:0 потполно се вратија во игра, а на крајот сосема заслужено славеа победа со 63-58.

За Уникаха ова е прв значаен трофеј во Европа по 2001 година кога беше освоен Купот на Радивој Кораќ. Во исто време тимот од Малага ја прекина и серијата на Валенсија од 22 победи во низа на домашен терен.

Алберто Диаз со 12 и Џамар Смит со 10 поени беа најпрецизни кај победниците, Црногорецот, Бојан Дубљевиќ со 16 поени беше единствениот во домашниот тим кој оствари двоцифрен број на поени.

Признието за МВП на финалната серија заврши во рацете на Алберто Диаз од Уникаха кој во мајсторката постигна 12 поени, голем дел од нив беа во клучната фаза кога се одлучуваше победникот.

Би можело да ве интересира

Мечевите од еврокуповите во Скопје ќе се играат со 30 отсто публика на „Тоше Проески“

Жарко Настоски

Еврокуп најави одложување на три натпревари од 6. коло

Ана Ололовска

Познати сите учесници во Еврокупот

Ана Ололовска

Карпош Соколи ги доби противниците во Еврокупот

Ана Ололовска

Валенсија и Уникаха во дуел за трофејот во Еврокупот

Наум Локоски

Валенсија поведе против Уникаха во финалето на Еврокупот

Ана Ололовска