УЕФА покрена истрага за скандирањето „Путин“ на навивачите на Фенербахче

Од:

УЕФА отвори официјална истрага против Фенербахче, откако навивачите на турскиот клуб вчера го скандираа името на рускиот претседател Владимир Путин во мечот од квалификациите за Лигата на шампионите во Истанбул против украинскиот тим Динамо Киев, со цел даа се испита „однесувањето на навивачите“.

dobivaj vesti na viber

Во драматичен меч, Динамо стигна до 2:1 гостинска победа по продолженијата за да се пласира во третото коло на квалификациите, каде што ќе игра со австрискиот Штурм Грац. Инцидентот се случи во 57. минута, кратко по исклучуваето на Исмаил Јуксек од Фенербахче, кога Виталиј Бујалски го донесе украинскиот тим во водство, а навивачите скандираа „Владимир Путин“. Фенер, иако утнаа пенал, израмнија преку Атила Салаи, пред Олександер Караваев во 114. минута да ги однесе Динамо во третото коло.

Фенербахче преку соопштение денеска објавија дека се работи за само 20 секунди од мечот кој траел 120 минути и дека навивачите биле испровоцирани од однесувањето на „дел од играчите на Киев кои порано играа во Турција“.

„И покрај тоа, Фенербахче ја отфрла реакцијата на делот од нашите навивачи. Нефер е да се оценува клубот според еден инцидент кој не ги претставува нашите вредности“, се вели во објавата на клубот.

Извор: Топспорт

Би можело да ве интересира

Ренџерс-Наполи преместен еден ден подоцна и со забрана на гостински навивачи

Чеферин има свој фаворит за домаќин на СП во 2030

УЕФА ги казни АЗ Алкмар и Аполон

Седлоски: Подготвени сме за предизвикот и веруваме во пласман во групите од КЛ

Има работа за УЕФА: Фудбалерите на Македонија ЃП во Софија навредувани дека се „Бугари“

УЕФА ја казни Србија