Српскиот тенисер Новак Ѓоковиќ успеа да ја одбрани титулата на Мастерсот во Шангај откако денеска во финалето го победи Аргентинецот Хуан Мартин Дел Потро со 2:1 во сетови (6:1; 3:6 и 7:6 (7:3). Мечот траеше 2 часа и 32 минути.
Првиот сет на убедлив начин му припадна на Ѓоковиќ, пред се поради лошиот сервис на Аргентинецот. Во вториот сет Дел Потро се врати во игра и успеа да изедначи на 1:1 во сетови. Во решавачкиот сет двајцата тенисери не дозволија ниту еден брејк, па во тај брекот Ѓоковиќ беше подобар со 7:3 на поени.
За вториот тенисер на светот Ѓоковиќ ова беше 15-та Мастерс титула, а Дел Потро сеуште е без триумф на овие турнири. Во меѓусебните дуели скорот сега е 10:3 за Ѓоковиќ и 7:2 на хард подлогата. За победата на турнирот Ѓоковиќ заработи 729.725 американски долари.