Триглав Осигурување со поддршка до младинските кошаркарски лиги, клубовите ослободени од плаќање котизација

Од:

Децата од сите клубови кои настапуваат во младинските лиги во македонското кошаркарско првенство, не треба да плаќаат котизација. Таа обврска ја презема партнерот на Кошаркарската федерација на Северна Македонија, компанијата Триглав Осигурување.

Од КФСМ апелираат клубовите да не бараат од нивните членови средства за котизација за настап во првенството.

Првата „благодарница“ дојде од првиот човек на КФСМ, Перо Антиќ, кој потенцираше дека директорот на компанијата Ѓорѓе Војновиќ бил неговиот ментор, дури и повеќе од тоа.

– Чест е да се има таков партнер како Триглав Осигурување, огромен подржувач на кошарката. Денес сакаме ја објавиме нашата соработка која многу ќе значи за младинската кошарка, изјави Перо Антиќ, претседател на федерацијата.

Поранешниот македонски репрезентативец Војновиќ рече дека привилегија е да се вложува во спортот, посебно во младите.

– Свесни сме за важноста на инвестирањето во националниот спорт и што тоа значи за неговиот развој, особено кога тоа ги вклучува младите категории и децата. Вистинска привилегија е да бидеме дел од активностите на младинската кошаркарска лига, затоа што токму тука се градат вистинските навики, се создава квалитетот, тука лежи иднината на кошарката и спортот воопшто, изјави Војновиќ, главниот извршен директор на Триглав Осигурување.

КФСМ и Триглав Осигурување се обврзаа да продолжат со заеднички сили да работат на промовирање на спортските вредности и на унапредување и развој на спортот во земјата.

Би можело да ве интересира

Јакимовски ги воодушеви Американците во дебитантската сезона во НЦАА лигата

Ана Ололовска

Тодоров: Бев дел од нешто ново што се создава и ќе трае во наредните 10-15 години

Ана Ололовска

Македонските кошаркари ја совладаа Италија и ги задржаа шансите за пласман на ЕП

Ана Ололовска

Македонските кошаркари го одработија првиот тренинг во Перм, стручниот штаб засилен со Никола Василев

Ана Ололовска

Трајковски: Нема математики, со сите ќе играме максимално, само сите да сме здрави

Ана Ололовска

Селекторот Тодоров верува во пласман на Европското кошаркарско првенство

Катерина Павлова-Николовска